Il di dals Roma

Era ils zagrenders ans han laschà nums.

Chasper Pult
Legenda da maletgs: Chasper Pult RTR

Dapi il 1990 è il di dals 8 d'avrigl deditgà al pievel nomad che resta ina sfida per tuts che vivan en dimoras stablas. Quest di d'acziun vuless render attent a la discriminaziun ch'è per blers ina realitad enfin oz. Lur num uffizial è dentant ils Roma, el deriva da lur lingua romanes che n'ha da far nagut cun noss rumantsch. L'origin è en l'India, era il num anteriur vegn dad in pievel da l'Asia minura, ils Azinganoi, che ha dà las furmas rumantschas zighingher u zagrender u tschiainder. Tgi sa pertge ch'in vallun a Medel ha num la Val da la Zagrendra? Era quai forsa ina sautunza ch'aveva suandà il Danubi e l'En per rivar en il Grischun?


Redacziun: Chasper Pult

Autur/a: RTR/gd