Eulscha e Patric

chau da Chasper Pult
Legenda da maletgs: Chasper Pult. RTR G.Dazzi

En il «Calender per mintga di» chattain nus oz il prenum feminin Eulscha. Quantas giuvnas rumantschas datti che portan anc quest num?

Il num è ina varianta dad Elisabeth che nus enconuschain era en las furmas Jelscha, Julscha u Jalscha, sper ils diminutivs Betta, Babetta, Bettina u Lisa, Lisetta e Lisabetta.

Tut auter statti cun Patric. Oz festiveschan tut ils Irlandais il «Saint Patrick Day», betg be a Dublin ma en tut il mund. Il missiunari ch'è mort ils 17 da mars 461 è il sontg naziunal. Sia vita è liada a bleras legendas. E cun quai che la colur verda è la colur naziunala da l'Irlanda, vegn bavì oz perfin gervosa colurada verda.

Autur/a: Chasper Pult