Domat/Ems

Oz fan ins festa ad Amedes.

chau da Chasper Pult
Legenda da maletgs: Chasper Pult. RTR G.Dazzi

Il num dubel Domat/Ems vegn interpretà da blers sco denominaziun bilingua, sco p.ex. Celerina/Schlarigna. Ma era Ems deriva dal num Amedes sco la vischnanca vegniva numnada dapi l'onn 765. Mintga trais onns datti ina festa populara che rinforza l'identitad da questa vischnanca sper Cuira ch'ha pudì preservar la lingua rumantscha fin oz. Durant il di e la saira pon ins tadlar las musicas da tschaiver cun nums sco «Rumplanadas» u «Tschapatalpas» e «las Furmiclas da culm» mussan acrobatica vi da la stanga. Il fatg ch'ils promoturs dad in Bikepark sa numnan «Amedes Trail Hunters» è era in indizi ch'ils abitants han ina schientscha areguard lur istorgia e cultura.

Autur/a: Chasper Pult