Glindesdi vegn preschentà a la Biblioteca chantunala a Cuira ina publicaziun davart l'inschigner forestal Johann Wilhelm Fortunat Coaz (1822-1918).
El è stà inspectur forestal superiur dal Grischun, avant che daventar l'emprim inspectur forestal superiur da la Confederaziun enfin la vegliadetgna da 92 onns! El ha fatg 21 primascensiuns en las Alps, tranter auter quella dal Piz Bernina, ed ha influenzà decisivamain l'emprima lescha federala davart la polizia forestala. Ses num appartegna ad ina schlattaina documentada a S-chanf dapi l'onn 1527 ed era en Bregaglia e quella deriva dad in surnum che sa referescha als chavels dal lumbard coass (chic) sco blers auters nums tar nus.
