Quasi en atgna chaussa deditgain nus lemissiun dad oz al num ch'era il redactur da l'emissiun porta. Il num manca en ils chalenders, ma quai sa chapescha sche nus patratgain als Trais Retgs. Il Chasper era quel cun pel stgira e ses onomastic è natiralmain Bavania. Interessant è che a Guarda datti in «Bügl San Chasper». La veglia furma cun l'accent rumantsch Chispàr è vegnida remplazzada da Chàsper cun l'accent sin l'emprima silba, ma Casparis e Casparin u Caspret la regordan. Furmas scursanidas èn Paper, Capi u Caspign. En Surselva signifitga in «casper» era ina cria che po cuntegnair 5 liters, per regla vin, ed il «barba Tgaspar» a Mulegns è in'expressiun per il diavel.
Redacziun: Chasper Pult
