Tut che discurriva avant paucas emnas dal fenomen dal glatsch nair sin il Lej da Segl en Engiadin'Ota. Dentant è vegnida la naiv e curriders e curridras da passlung sa preparan per il maraton sin il lai englatschà. La surfatscha è immensa, ma sper la peninsla Chastè cuccan duas inslas or dal glatsch: Chaviolas e Chaviolin. En il cudesch da nums vegnan ellas clamadas Chaviola granda e pitschna ed il num avess da derivar dal pled latin cavea che signifitgescha cuvel u perfin chabgia. Per quella giuvna dunna che vuless savair dapli da quest num da sia insletta preferida n'è quel lieu magic betg ina chabgia, ella ha perfin deditgà ina poesia a quella insla.
Redacziun: Chasper Pult