Brinzauls

Ultimamain udin nus adina puspè da la vischnanca da Brinzauls aut sur la Val d'Alvra. Ils bundant 80 abitants vivan cun la tema che la muntogna sa ruschna vers il vitg e smanatscha da sepulir quel sut la crappa. Brinzauls è damai en ina situaziun speciala en Grischun, era sche nus savain che bovas pon sa furmar dapertut, sco quai che nus avain vesì a Bondo en Bregaglia. Era il num dal vitg è singular. Ensemen cun Breil en Surselva e Brail en Engiadina chattan quests nums lur derivanza en in pled gallic Brig(a) che signifitga muntogna. Ma era Brienz e Bregenz derivan da questa expressiun celtica che mussa che noss antenats n'eran betg mo ils Rets.