Botsch u anugl

chau da Chaspr Pult
Legenda da maletgs: Chasper Pult. RTR Guadench Dazzi

Era sch'il mund para dad esser paralisà pervia da la malsegirezza u la tema ch'il coronavirus sa derasa, il temp va vinavant senza perdun. L'emna proxima pon ils ins gia festivar s. Giusep, las autras s'allegran puspè sin il cumenzament da la primavaira. Gievgia èn il di e la notg da medema durada. Il sulegl passa l'equator celest ed entra en l'ensaina dal botsch.

Uschia sa numna il segn dal zodiac en rumantsch, be en l'Engiadin'Ota vegn duvrada l'expressiun dal talian greg. En Surselva ha il segn da chalender era num anugl che deriva dal latin «annuculu», il buc dad in onn. Tge che quella ensaina provochescha è interessant, cunzunt per quels che avessan gugent chavels ritschads.

Redacziun: Chasper Pult