Aeuja

In sguard vers ils vischins gualsers

chau da Chasper Pult
Legenda da maletgs: Chasper Pult. RTR G.Dazzi

Ina giuvna gualsra da Claustra abitescha ad Aeuja, ina fracziun cun in num fitg spezial e vuless enconuscher la significaziun. Tgi chatta in num d'in auter vitg che consista be or da vocals? La muntada è pli facila dad eruir che quai che nus manegian. Nus Rumantschs clamain las spundas dad in flum las inslas u ischlas e blers toponims mussan l'impurtanza da quest num. En tudestg èn quai die Auen e quai num fascinant Aeuja vegn da quel pled perquai che las chasas èn sper il flum da la Landquart. Sche nus giain vinavant vers ost rivain nus tar las pitschnas stallas che sa cloman Äuwjer Mälcheti. Tgi avess ditg che noss vischins hajan tanta poesia en lur toponims!

Redacziun: Chasper Pult