Verd enfin davos las ureglias

I vegn era verd questa primavaira. Baud u tard. Verd dapertut. La colur verda stat en il focus da quests Cuntrasts.

La partida verda dal Grischun na vul però betg prosperar. Exista ella insumma anc? E pertge n’ha questa partida mai pudì fitgar pe en il Grischun? E co statti cun la conscienza verda da mintgin/a da nus? Essan nus spargnus cun nossas resursas u vivain nus plitost sur las lattas? Petra Rothmund ha fatg la prova ed ha perquai laschà far trais Grischuns in uschenumnà «footprint ecologic». La gasetta cun il logo verd procura actualmain plitost per chaus cotschens – La Quotidiana. L’editur Hanspeter Lebrument ha smanatschà dacurt da chalar d’edir la suletta gasetta dal di rumantscha, sch’i na dettia betg raps dal maun public. Nus avain perquai accumpagnà durant in di da lavur il «davos Mohican» da La Quotidiana, il schefredactur Martin Cabalzar. E per finir in’observaziun divertenta: Ils chatschaders stattan mintg’onn a lajetg en bellas monduras verdas u grischas. Però atgnamain stuessan els ed ellas sa vestgir cotschen. Ruedi Bruderer mussa co che quai guardass ora.

Contribuziuns

  • Il footprint grischun

    Vivain nus ecologicamain raschunaivel u sfarlattain nus nossas resursas natiralas? Nus avain fatg cun trais persunas il test dal footprint ecologic.

  • Il «davos Mohican» quotidian

    Dapi 19 onns è el schefredactur da la suletta gasetta dal di rumantscha, da La Quotidiana. L’existenza da quella gasetta è però periclitada. In di da lavur cun Martin Cabalzar.

  • La partida senza success

    Dapi in mez tschientaner datti il moviment ecologic ed a livel politic la partida verda. Però en il Grischun n’ha la partida verda mai propi pudì fitgar pe. Nus declerain pertge.

  • Cotschen empè da verd

    Ils chatschaders stuessan – per sa zuppar da la selvaschina – atgnamain sa vestgir cotschen.

  • Trailer

Dapli dal tema

RTR/td