«Nus essan quai che nus faschain»

Ils pioniers d’energia dal Bregenzerwald

En il Bregenzerwald è il lain omnipreschent. Lain è il material da construcziun e da stgaudar da vegl ennà e dal lain dependan oz numerusas plazzas da lavur. La cuntrada culturala alpina dal Bregenzerwald è ina regiun da pionier en dumondas da la persistenza. Enfin il 2050 vuless ins consumar là mo pli l'energia che vegn era producida en quella regiun. Numerusas persunas s'engaschan voluntarmain en las 22 vischnancas per realisar questa visiun ambiziusa. Ils emprims pass èn zunt empermettents.

L'emissiun «Cuntrasts» rapporta ils 1. da matg 2016 en il rom da l'emna «Allegra Vorarlberg» da Radiotelevisiun Svizra Rumantscha RTR davart il project «autonomia d'energia 2050». Tematisadas vegnan dumondas dal basegn da chalira e d’electricitad, ma era da la mobilitad. Il viadi sin ils fastizs dals pioniers d'energia dal Bregenzerwald entschaiva ad Andelsbuch en il Werkraum Bregenzerwald che l'architect grischun Peter Zumthor ha realisà ensemen cun ils artisans da la regiun.

Contribuziuns

  • Trailer

Dapli dal tema

RTR/td/gc