Not Vital e ses chastè

«Mintgatant ston ins far il pass pli lung che la chomma», di Not Vital cun in surrir da furbaz. Questa primavaira ha el cumprà per otg milliuns francs il Chastè da Tarasp da la famiglia von Hessen.

El n'enconuscheva betg il chastè. Ina suletta giada haja el forsa visità quel avant. Ma sco per mintga abitant da la vart sanestra da l'En steva quest monument istoric er ad el adina davant il nas. La decisiun da cumprar il chastè n'era betg stada uschè spontana sco quai ch’i vegn raquintà. I saja ina gronda sfida, manegia l'artist da Sent che viva e lavura oz era a Rio de Janeiro e Peking. Per Not Vital èsi dentant fitg impurtant da pudair realisar siemis en la vita. Suenter 100 onns en il possess da la famiglia nobla tudestga dals von Hessen vul purtar Not Vital nova vita en il chastè. Quest monument d'impurtanza naziunala duai daventar in model per la cultura, in center per l'art modern.

Il film «Not Vital e ses chastè» da Ruedi Bruderer mussa per l'emprima giada l'artist tar sia lavur da transfurmar il chastè, e Not Vital tradescha riend era il vair motiv d'avair cumprà quel.

Artitgel/s dal tema

Dapli dal tema

RTR/td