«mo il tic tac da l’ura»

Duin, la pli pitschna scola cumplessiva rumantscha – sin visita durant in onn

Jau ma regord anc bain vid l’atun 1967, mes emprim di da scola: Tut gnervus e cun in turnister da tgirom spetgava jau avant chasa sin mes collegas Remo e Marco. Agitads e plain mirveglias essan nus marschads vers la chasa da scola. L’emprima classa aveva 14 scolars, 7 buobs e 7 mattatschas.

Ussa, prest 50 onns pli tard, carmala la stanza da scola puspè mai. La scola da Duin è numnadamain la pli pitschna scola cumplessiva rumantscha. Vul dir: ina stanza, in scolast, 2 scolaras e 6 scolars en quatter classas. Durant in onn da scola observ jau cun mia camera il far e demanar dals scolars. Jau sun in dad els e lasch viver ils muments durant chant ed instrucziun, il di ch’els rimnan palpiri ed jau vom cun els sin viadi da scola. E lura, in mument tut spezial, durant la surdada da l’attestat da Florian, Josa, Linda, Livio, Lorena, Nico, Patric e Tizian sun jau da la partida. (Eligi Derungs)

Dapli dal tema

RTR/td