Ils uffants da Seraplana 2

11 onns suenter l'emprim film da Seraplana, ha Cuntrasts visità anc ina giada ils uffants da Seraplana.

Seraplana è in vitg ritg: Da 42 abitants èn 14 sut 19 onns. Ch’in terz dals abitants èn giuvens ed uffants è plitost insolit. Perquai han ils Cuntrasts da RTR decidì, da far in film cun «Ils uffants da Seraplana». Quai era dentant stà l’onn 2006.

En il fratemp èn Nino, Armin, Urs, Michael, Cindy, Marco, Adrian, Rico, Jachen, Samara, Claudia, Töna e Roger 11 onns pli vegls. Tge è daventà or dals uffants dad ina giada? Nua èn els arrivads? Cun questas dumondas ha Isabelle Jaeger visità ina segunda giada il vitget da Seraplana giudim l’Engiadina. Da la visita è resultà il film «Ils uffants da Seraplana 2» – in film che mussa ils uffants dad ina giada en ina cumbinaziun filmica tranter ier ed oz.

Contribuziuns

  • Trailer

Artitgel/s dal tema

  • Ils uffants da Seraplana 2 (Artitgel cuntegn video)

    Ils uffants da Seraplana 2

    Quest onn, 11 onns suenter l'emprim film da Seraplana, ha Cuntrasts visità anc ina giada ils uffants da Seraplana.

    26.4.2017

Dapli dal tema

RTR/td