Ils novs vischins da Laax (2. part)

Suenter che la vischnanca aveva cumbattì durant quasi trais onns cunter il center transitoric per requirents d’asil, èn ils emprims fugitivs arrivads il favrer 2015 a Laax. Là han els prendì dimora en l’anteriur hotel da trais stailas «Rustico». Turists e fugitivs! Per quels da Laax insatge nunpussaivel. Il cas ha bittà undas fin avant dretgira federala. E la finala han ils da Laax stuì capitular.

Co sa preschenta la situaziun oz?

En l’emprima part dal film avain nus emprendì d’enconuscher il giuven medi d’anestesia Hadi da la Siria. El ha observà in accident da traffic e decidì da gidar. Quest agid spontan ha gì consequenzas positivas per il requirent d’asil. El emprenda d’enconuscher la dunna ch’è stada involvida en l’accident. Ma i dat da raquintar anc autras istorgias! Durant 10 mais ha il «Rustico» dà suttetg per il pli ad umens giuvens da la Sira e da l’Eritrea. La fin da november hai lura dà midadas. Ils giuvens da l’Eritrea han stuì far plaz a famiglias. Els han fatg midada da Laax a Valchava en Val Müstair. Ed en il center a Laax han ins lura schizunt pudì beneventar, curt avant Nadal, Lowi, l’emprim novnaschì en il «Rustico».

Contribuziuns

  • Trailer

Dapli dal tema

RTR/gc