Ils novs vischins da Laax

Suenter che la vischnanca aveva cumbattì durant trais onns cunter il center transitoric per requirents d’asil, èn ils emprims fugitivs arrivads il favrer 2015 a Laax.

Là han els prendì dimora en l’anteriur hotel da trais stailas «Rustico». Turists e fugitivs! Per quels da Laax insatge nunpussaivel. Il cas ha bittà undas fin avant dretgira federala. E la finala han ils da Laax stuì capitular.

Co sa preschenta la situaziun oz?

En il «Rustico» vivan 2 onns e mez pli tard anc adina var 100 persunas dad 11 naziuns. Eran quai il cumenzament per il pli umens giuvens da l’Eritrea e da la Siria, èn quai oz famiglias. Ils umens han fatg midada da Laax a Valchava en Val Müstair. Ed en il center a Laax han ins lura schizunt pudì beneventar il december 2015 l'emprim novnaschì en il Rustico. E Hadi, in medi d’anestesia da la Siria, ha bandunà il Rustico ed ha chattà lavur a Tavau.

Contribuziuns

  • Trailer

    Ils pregiudizis cunter il center per requirents d’asil en l’anteriur Hotel Rustico a Laax tutgan tar il passà. Oz datti era a Laax dapli chapientscha per questa glieud da pajais lontans.

RTR/td