Siglir tar il cuntegn

Header

Video
«Fenga» – Cuntrasts mussa la segunda part
Or da Telesguard dals 21.06.2019.
laschar ir
cuntegn

Il film «Fenga» dals Cuntrasts «Fenga» – in omagi a pastriglia e muaglia

Onn per onn mainan pasters austriacs var 250 arments da Sent sur il Cuolmen d’Fenga (2'610 m.s.m.). L'autur Beat Manetsch ha realisà in film documentar davart quest passagi alpester extraordinari. Ed il film «Fenga» renda omagi a pastriglia, muaglia e muntognas.

Onn per onn, enturn la fin da zercladur, mainan pasters austriacs var 250 arments da muvel sitg da Sent sur il Cuolmen d’Fenga. La finamira èn las pastgiras largias e frestgas da la Val Fenga. Tar quest passagi che maina sur 2’610 m.s.m. è la muaglia da viadi bunamain 10 uras. Ils arments han da passar tras flums, guauds e gondas, els van sur pastgira, grippa e naiv.

Ils arments che vegnan da l'Engiadina s'uneschan alura durant la stad cun passa 600 arments austriacs e furman uschia en la Val Fenga/Fimbatal ina scossa ordvart gronda. Dapi passa 40 onns da la partida sco paster è Walter Jehle dad Ischgl (A), ils davos 20 onns sco paster grond. Era per el e sia squadra è il passagi sur il Cuolmen d'Fenga mintg'onn ina pitschna aventura.

Paucs pleds – gronds maletgs

L'emissiun «Cuntrasts» da RTR ha vulì documentar filmicamain ina giada quest passagi alpester extraordinari, in passagi arcaic ed autalpin. Ensemen cun l'autur Beat Manetsch è vegnì realisà uschia il film «Fenga» en il decurs dals davos dus onns. Il resultat final è in film senza gronds pleds, ma in film che tegna la tensiun cun in lung flad visual. Ed uschia renda «Fenga» omagi a pastriglia, muaglia ed a la cuntrada muntagnarda.

Video
Fenga – sur flums e pass
Or da Cuntrasts dals 14.06.2019.
laschar ir

Il film «Fenga» è vegn mussà ils 13-06-2019 sco premiera a Sent e silsuenter en dus parts en ils Cuntrasts sin SRF1, ils 16-06 ed ils 23-06-2019.

TR Cuntrasts 17:25