Fan saivs propi buns vischins?

L’entir mund discurra da saivs – p.ex. da quellas cunter fugitivs en Ungaria. Era il candidat per il presidi american, Donald Trump, vuless construir ina saiv fortifitgada al cunfin cun il Mexico. Il mund sa serra en davos saivs. Quellas saivs interesseschan era nus.

Mintg’onn crappan en il Grischun deschinas dad animals selvadis en saivs agriculas – surtut chavriels, ma era tschiervs, chamutschs e capricorns. Il redactur Ruedi Bruderer è sa dumandà, co che quai sa laschass evitar.

Vesais vus il gril en il curtin da voss vischin? U stat forsa ina immensa saiv viva davant si, tranter voss dus curtins? – Senza dubi, la bella Svizra da chasinas da famiglia è plaina da saivs vivas enturn mintga revier e quartier. Pertge sa zuppa la Svizra atgnamain davos il chagliom? Bertilla Giossi ha tschertgà respostas en la spessira dal chagliom.

Saivs virtualas ed oralas

Noss bel mund da social media vegn tapezà cun in segn che tuts dovran, però betg tuts che san tge funcziun ch’el ha: il «hashtag». Pertge dovri insumma quel segn? Petra Rothmund declera quai curt e setg.

Pli baud eri per ils uffants in grond problem da stuair purtar in spanga, per uschè dir ina «saiv en bucca». Oz para quai perfin dad esser trendy. U datti tuttina intgins puncts problematics cun questas spangas?

Contribuziuns

  • Datti saivs idealas per la selvaschina?

    Mintg’onn crappan en Grischun deschinas da chavriels, tschiervs e chamutschs pervi da saivs agriculas. Dessi pussaivladads per evitar quai?

  • «Las saivs vivas vegnan pli autas e pli autas»

    La Svizra da chasinas da famiglia sa zuppa davos immensas saivs vivas. Bertilla Giossi cun intgins aspects botanics, giuridics e psicologics en connex cun saivs vivas.

  • Tge senn ha quel segn?

    Noss mund da social media vegn tapezà plain cun «hashtags». Ma danunder vegn quel segn e tge funcziun ha el insumma?

  • La saiv en bucca

    Pli baud eri per ils uffants in grond problem da stuair purtar in spanga. Oz para quai perfin dad esser trendy.

  • E danunder vegn la «saiv grischuna»? (supplement online)

    Kilometers e kilometers da vias en Grischun han ina uschenumnada «saiv grischuna». Però pertge porta quella saiv normada insumma quel num?

  • Trailer

RTR/td