Canorta – Resuns dad in viadi rumantsch

In film dad Aline Suter e Céline Carridroit

L’experientscha persunala ha stimulà Aline Suter da far in film sur dal linguatg rumantsch. Rumantsch, l’ierta linguistica da sia mamma e tatta, ha ella gia emprendì durant sia uffanza, ch’ella ha passentà en la Svizra franzosa. Pli tard ha ella sviluppà per questa part da sia identitad in interess exprimì. Céline Carridroit s’interessescha era per questa tematica ed ha fatg ina scolaziun da documentalista.

Uschia han las duas reschissuras decidì da far ensemen in film. Durant las lavurs da filmar è il giavisch sa furmà tar las reschissuras, da far enconuschent il film a quellas persunas, ch’èn pertutgadas directamain da la tematica: als Rumantschs sezs. «Canorta» exprima la charezza da las duas auturas per tun e musicalitad, ma el exprima era l’experientscha persunala dad Aline Suter.

RTR/al