Autostop a l’Expo Milano (che non c’è)

Pir tar l’arrivada a Milaun constatescha il manischunz da bus pensiunà oriund da la Sicilia: «L’expo ancora è chiuso! Lei perché deve andare a l’expo?»

Natiralmain cumenza l’exposiziun mundiala pir il matg. Per ils Cuntrasts è Martin Cantieni dentant gia ì a Milaun la fin da mars, per autostop. Il viadi ha manà el da Cuira en l’Engiadina, tras il Puschlav e la Vuclina fin a Milaun. Durant quest viadi vegn l’autur tranter auter a savair ch’ina vatga svizra è actualmain surpajada per 400 francs, che San Murezzan è in bun lieu per planisaders dad installaziuns sanitaras, ch’il chor-baselgia da San Carlo fa sias emprovas la mesemna saira e ch’i deva ina fabrica da mangola a Neuägeri.

Il film «Autostop a l’Expo (che non c’è)» raquinta en 10 etappas istorgias ed istorginas dal mintgadi tranter il nord ed il sid da las Alps. Istorgias chattadas e raquintadas mo grazia ad inscunters casuals tranter automobilistas ed automobilists, ch’èn sa fermads, e quel che fascheva autostop cun la camera.

Dapli dal tema

RTR/td