Auter è auter

Tgi e tge è «auter»? E tge è alura normal e confurm? Ils Cuntrasts èn ids questa giada a la tschertga dad «autras» istorgias.

Per exempel en la Val dal Rain. Là datti in’autra tendenza pertutgant il svilup da la populaziun. Savens vegni gea rapportà da vischnancas grischunas che perdan populaziun, posta e prestige. Ma Malans, Fläsch e Maiavilla creschan ad in crescher, sco che nossa redactura Isabelle Jaeger ha pudì observar. Bertilla Giossi ha purtretà ina famiglia da Castrisch, nua che la mamma va a la lavur ed il bab lavura sco chasarin, damai in auter model da famiglia. Casper Nicca ha accumpagnà durant in di Marina Simeon, ina mattatscha da sis onns da Lantsch. Ella è impedida d’udida, è damai autra, però ella frequenta tuttina la scoletta regulara dal lieu. Ruedi Bruderer ha filmà lung l’autostrada A13 en Mesolcina. Là sa derasa in auter mustgin, il mustgin-tigher – in mustgin che pudess daventar purtader da malsognas tropicas.

Contribuziuns

  • L’auter prolog

    Mintgin è auter – be tut il rest è normal.

  • Il Grischun sa transfurma radical

    En il Grischun datti pass per pass ina midada demografica: Las regiuns periferas perdan abitants, entant che la Val dal Rain crescha ad in crescher. Ina visita en il conturn da Maiavilla.

  • In auter model da famiglia

    Michal e Corsin Alig-Hohl han barattà las rollas e las lavurs tradiziunalas da bab e mamma.

  • In’autra integraziun

    Marina Simeon (6 onns) è impedida d’udida, però ella frequenta tuttina la scoletta regulara da Lantsch.

  • L’auter mustgin

    En il Grischun sa derasa plaun plaunet il mustgin-tigher. El è auter e privlus, perquai ch’el pudess esser purtader da malsognas.

  • Trailer

Dapli dal tema

RTR/td