Amalia e Giancarlo

In film da Kurt Reinhard e Christoph Schreiber

«Amalia e Giancarlo» raquinta la commuventa istorgia d’emigraziun dad Amalia Malchiodi-Cadiel, ch’ha oz 86 onns. Avant 60 onns viagia la Sursilvana sco tgiradra d’uffants cun ina famiglia bainstanta en ils Stadis Unids. Pli tard sa chasa ella a New York. Sia patria e ses linguatg mamma n’emblida ella dentant mai. Il film accumpogna Amalia ensemen cun ses figl Giancarlo sin in viadi enavos tar sias ragischs grischunas.

Spiertus e cun furbazzaria raquinta Amalia sia vita aventurusa. Ella crescha si a Sagogn en relaziuns simplas, cun 18 onns va ella a Claustra e lavura en in hotel. Ella serva osps prominents da l’entir mund ed emprenda d’enconuscher ina famiglia americana ch’engascha ella sco tgiradra d’uffants e che prenda ella en ils Stadis Unids. Cun questa famiglia viagia Amalia lunsch enturn. Durant la revoluziun cubana èn els osps dad Ernest Hemingway a Havanna. Sin viadi enavos en patria resta Amalia la fin finala pendida a New York. En il film da Kurt Reinhard e Christoph Schreiber mussa Amalia a ses figl Giancarlo, ch’ha entant 50 onns, ils lieus, nua che ses lung viadi ha cumenzà avant 60 onns.

Contribuziuns

  • Trailer

Dapli dal tema

RTR/td