In discurs cun Jon Albert Fanzun

Dapi l’elecziun da Didier Burkhalter sco commember dal cussegl federal svizzer l’onn 2009 è Jon Albert Fanzun da Tarasp ses collavuratur persunal ed in dals dus schefs da ses cabinet. Il 2014 ha el planisà ed accumpagnà l’onn presidial da Didier Burkhalter ed oravant tut er ses viadis ed inscunters sco president da l’Organisaziun per la segirezza e cooperaziun en Europa OSCE. Signur Burkhalter ha fatg durant quest onn 32 viadis a l’ester cun 47 fermativas en 30 pajais. El ha inscuntrà represchentants da quasi 50 pajais, visità 26 conferenzas internaziunalas e salvà bunamain 100 discurs publics. En il «Discurs» cun Rico Valär fa Jon Albert Fanzun bilantscha d’in onn cun ina agenda extrem emplenida, marcà da grondas sfidas politicas naziunalas ed internaziunalas. El raquinta da la lavur davos las culissas per inscunters cun Angela Merkel, Wladimir Putin e Joe Biden.

RTR/td