Tge velo è adattà per mai?

Cun il dretg velo tras la stad

velo en il lavuratori da «Bumi-Sport» a Domat
Legenda da maletgs: En il lavuratori da «Bumi-Sport» a Domat. RTR, G. Luzzi

Dapi 19 onns exista il «Bumi-Sport» a Domat. Il num da laffar è vegnì da ses surnum «Bumi». Be cun in velo cun exact la dretga grondezza as haja plaschair per ir cun il velo ed ins na survegn betg mal il dies, las chommas u la bratscha. Laschar sclerir d'in expert è necessari.

Per mintga client èsi deruir precis la grondezza dal rom dal velo, e quai pon ins quintar ora cun ina furmla speziala. Sper la grondezza dal rom èsi da resguardar era la grondezza da las rodas. 26 zoll è passà, nov cumprins velos cun 27 1/2 u schizunt cun 29 zoll, tut tenor nua chins prevesa dad ir cul velo.

Ils pretschs da velos dependas en prima lingia dal material ed era da las «cumponentas», vul dir las marcas, ils frains ed era las pennas. Qua chattins da quels bunmartgads d'in pèr tschient francs enfin da quels d'in per milli francs, tut tenor gust e basegn.

Autur/a: RTR/dh