Siglir tar il cuntegn

Header

audio
Martin Riedi è pront per la proxima viandada.
RTR, CARLO ALBIN
laschar ir. Durada: 2 minutas 15 Secundas.
cuntegn

Tge vegn en il satgados per ir a viandar?

Bain preparà per tut las situaziuns – quai è la devisa da blers. Bler urden munta dentant era gronda paisa ed i vala chattar la dretga relaziun tranter urden e paisa.

Il potenzial da spargnar è gronds tenor il guid da muntogna Martin Riedi. Cunzunt tar la maglia. Qua cusseglia il guid da prender cun sai nuschs ni era bastunets da graunins. Quels dettian spert energia e na paisian betg bler. Insumma na duai ins betg prender cun memia bler da magliar. Tut tenor la tura planisada dettia adina puspè pussaivladads da cumprar da magliar sin via, uschia chins possia spargnar paisa en il satgados.


1,5 liters aua tanschan

Era da baiver na dovria betg ina massa. 1 enfin 1,5 liters per persuna tanschian normalmain, perquai chins possia savens emplenir suenter la buttiglia cun aua frestga. I saja dentant da far attenziun e na betg simplamain prender aua ord dutgs ni lais per evitar malesser pervia daua contaminada.

Segir ina giacca da vent

Pertutgant resti cusseglia Martin Riedi da pachetar en il satgados resti da stgamiar ed ina giacca chauda, p.ex. ina leva giacca plimetta. Ina giacca betg per viandar, mabain ina per avair chaud schins stoppia spetgar insanua in mument. Era ina giacca da plievgia è nizzaivla, betg mo encunter la plievgia, ma era schi sufla en lieus exponids.
Era ina pitschna apoteca cun plasters e faschadiras, crema da sulegl, egliers ed in chapè per sa proteger encunter ils radis da sulegl na dastgan betg mancar.

Dapli da «Co e cum»

Scrollar a sanestra Scrollar a dretga