Il mars perdan ins in'ura tar la midada dal temp d'enviern sin il temp da stad. Per che la sien na vegnia disturbada memia fitg pon ins tranter auter adattar durant l'emna mintga di il temp da durmir per ina mes'ura. La midada l'october n'ha betg uschè gronda influenza. Quai, perquai che ins possaia durmir in'ura dapli.
Sch'ins aboliss la midada da temp e mantegniss be il temp da stad avess quai in'influenzas per exempel sin la stancladad. D'enviern vegniss il sulegl pir las nov uschia ch'ins duvrass pli ditg per sa destadar dal tuttafatg. Quai pudess lura esser privlus p. ex. per ir cun auto.
