Tge far sch'ils egliers van trasor si?

Ins vegn dal fraid giuador en stizun u en chasa en il chaud e strusch ch'ins è en dad isch en ils egliers surtratgs cun vapur. Quella situaziun malempernaivla enconuschan probabel tut ils porta-egliers.

Dunna cun egliers.
Legenda da maletgs: Tips encunter vapur sin la glasa dals egliers. Colourbox

I dat dentant intgins simpels trics per evitar il problem cun l'aua condensada. Tranter auter:

  • Lavar ils egliers cun savun da lavar giu
  • Schubregiar els cun in dagut schampo cun alcohol dir, spiritus u glicerin
  • Ubain cun sprays u fazielets spezials da lopticher

Tar il schubregiar cun savun èsi impurtant da betg prender savun che cuntegn substanzas per tgirar il mauns. Quellas cuntegnan numnadamain grass e tiran sdrimas sin la glasa. Tar spiritus ed alcohol èsi da dar adatg schins ha egliers cun glasa speziala. La pli simpla varianta è natiralmain da gist cumprar tar ils novs egliers glasa che na condensescha betg. Quella varianta è dentant er la pli chara.

Autur/a: Gion Gieri Flepp