Tge far sch’il liquid da nettegiar la fanestra da l'auto è schelà?

Temperaturas d'enfin minus 20 grads pon chaschunar problems tar autos ch'èn parcads dadora senza protecziun: Il liquid da nettegiar la fanestra da l'auto po schelar.

Nettegiar la fanestra da l'auto.
Legenda da maletgs: da maletgs: L’enviern cura che las vias èn tschuffas dal sal èsi impurtant ch’ins po nettegiar la fanestra da l’auto Colourbox

Gist l'enviern èn las vias savens bletschas e tschuffas dal sal sin via. Uschia èsi privlus dad ir cun in auto ch'ins na po betg nettegiar la fanestra.

Midar il liquid l'atun

Il problem saja savens ch'il liquid per nettegiar la fanestra che vegni emplenì la stad saja betg uschè adattà per l'enviern, di Silvan Welter ch'è stagner e mecatronist d'autos a Cuira. Cunquai ch'il liquid da la stad cuntegnia pli pauc antischelader saja el era pli favuraivels. Uschia recumonda Welter da duvrar l'atun a fin il tanc che cuntegna tranter 3 e 4 liters liquid.

Emplenir gida

Sch'ins ha uss quai problem saja raschunaivel dad emplenir il tanc cun in liquid che tanscha enfin -30 grads, di Welter. Sch'il tanc saja dentant plains e schelia, na dettia quai betg bler auter che da pumpar ora il liquid per schubregiar la fanestra da l'auto ed emplenir da nov.

Autur/a: Maurus Candrian