Tge far cunter sang-nas?

  • Mesemna, 29.3.2017, 11:15
Termins da l'emissiun
  • Emprima emissiun:
    • Mesemna, 29.3.2017, 11:15, RTR
  • Repetiziun:
    • Gievgia, 30.3.2017, 11:15, RTR

Sang-nas survegnan las bleras persunas durant las stagiuns fraidas. Savens èsi da schubregiar il nas pervi da dafraids. Cunquai vegn la pel en il nas irritada e las avainas pitschnas en il nas pon alura schluppar.

Tenor il medi da gula, nas ed ureglias Gregor Clavadetscher pon las avainas dal nas vegnir porusas e schluppar tras la fradaglia e l'aria sitga. Pertutgads dal sang-nas èn persunas cun ina pressiun dal sang auta che han savens stress ni che fan bler sport. Da principi na saja quai betg malsegir dad avair sang-nas di Clavadetscher. Tuttina recumonda el a persunas che han savens sang-nas dad ir tar il medi.

Il medi da gula, nas ed ureglias, Georg Clavadetscher ha dentant er divers tips per far chalar il sang-nas:

  • star cun il chau enavant, betg enavos
  • smatgar ensemen cun il det polesch ed il det da mussar las alas dil nas per circa 5 minutas (quai ha il medem effect sco ina cumpressiun)
  • betg metter fazielets u vatta en las rusnas nas. Sch'ins prenda ora la vatta poi capitar, ch'i sgara vi da la paraid dal nas e rumpa si danovamain.
  • metter sin la tatona ina lumpa bletscha fraida. Quai fa trair ensemen las avainas e lai cular pli pauc sang.

Contribuziuns

Autur/a: Gionduri Maissen