Tge èsi uss da far cun geranis?

Mez mars e gia èsi da patratgar vi dals geranis. Tgi che ha tschentà ils geranis sur enviern en tschaler ni en ina stanza stgira sto ussa prender nanavant ils geranis. Geranis èn chaglias che san vegnir plirs onns veglias, ellas èn oriund da l'Africa, pli exact da Namibia. En questa tiara vegnan ellas plirs meters autas e survegnan in bist da lain. Clamar ils geranis or da la sien d'enviern è atgnamain fitg simpel. Els èn stai en tschaler el stgir cun pauc'aua ed ussa prendan ins els ord tschaler e metta en ina stanza cun blera glisch e pli chauda. Il meglier èsi da spetgar in per emnas avant che entschaiver a dar cultim. Quai pervia da las ragischs finas che ston l'emprim resviluppar. Aua san ins dar tenor sentiment e basegn. Dapli infurmaziuns davart ils geranis oz en il Co e cum.