Siglir tar il cuntegn

Header

audio
Natel vegn chargià cun powerbank.
Colourbox
laschar ir. Durada: 3 minutas 36 Secundas.
cuntegn

Tge è impurtant tar powerbanks?

Il problem che la battaria dal smartphone è tuttenina vida enconuschan probabel ils blers. La schliaziun, in accu extern, ina uschenumnada «powerbank».

Da quellas datti en x variantas e grondezzas. Il «Kassensturz» da SRF ha dentant chattà ora tar in test, che las bleras na tegnan betg quai ch'ellas empermettan. Per exempel vegn inditgà che la powerbank ha ina capacitad da 10'000 uras milliamper, savens han las powerbanks dentant mo 60% fin 70% da quella forza. Per in telefonin tanscha quai dentant, quel ha in accu da tranter 1'000 e 3'000 uras milliamper. I fa senn d'avair quai en il chau, cura ch'ins cumpra ina powerbank. Sch'ins dovra er ella per chargiar apparats pli gronds sco tablets lura fai senn da cumprar ina cun ina capacitad da pli che 20'000 uras milliamper. Lura ston ins era guardar sch'ella ha avunda attatgs dad USB, sch'ins vul chargiar pli che in apparat il medem mument. Sper quai èsi er impurtant ch'ins po vesair con bler forza che resta anc en la powerbank, quai vegn savens inditgà cun pitschnas glischs. Tut tenor per tge ch'ins dovra la powerbank fai senn da cumprar in model robust.

Dapli da «Co e cum»

Scrollar a sanestra Scrollar a dretga