Siglir tar il cuntegn

Header

audio
Ervas en iert.
Pixabay
laschar ir. Durada: 2 minutas 13 Secundas.
cuntegn

Tge dovran basilicum e co?

Basilicum, tschagugliuns e timian - quai è il trio classic ch'ins dovra per cuschinar. Cura ch'ins cumpra questas ervas en stizun vesan ellas anc ora stupent, ma suenter in u dus dis èn ellas savens piridas. Cun resguardar intgins puncts sa lascha quai evitar.

Il pli impurtant saja da plazzar l'erva en in lieu sulegliv insanua dadora, declera Claudia Cielas, ortulana tar Schutz Filisur. "Tar las ervas ch'ins ha cumprà en vaschs da plastic, duess'ins midar la terra usché svelt sco pussibel, e metter ellas en in pli grond vasch u era en ina trucla." La terra ch'ins utilisescha na duess betg esser memia engraschada. Plinavant cusseglia l'experta da cumprar las plantinas en in'orticultura e betg en stizun. Quellas ervas ch'ins survegnia en stizun sajan savens per consumar direct.

Quai che pertutga il dar aua: Pli gugent memia pauc che memia bler è la devisa. Vinavant duess'ins plantar ervas mediterranas sco per exempel rosmarin, lavendel u timian ensemen, damai che questas creschan pli plaun ch'autras ervas. Tschagugliuns e peterschin na secumportian betg, e duessan perquai vegnir separads.

Dapli da «Co e cum»

Scrollar a sanestra Scrollar a dretga