Tge ch'ina bursa en la giaglioffa davos po avair per consequenzas

La bursa en la giaglioffa davos, las chommas ina sur l'autra, tschintas memia stretgas - tut quai èn facturs che pon procurar per problems dal dies ed il culiez.

Um cun mal il dies.
Legenda da maletgs: Sch'ins resguarda insaquants puncts pon ins savens evitar ina ernia dal disc. DREAMSTIME

Tge capita sch'ins metta la bursa en la giaglioffa?
Che quai è segiramain betg saun per il corp di Marina Soklic, chiropraticra a San Murezzan. Ella tratta adina dapli persunas cun problems dal dies ed il culiez. Quai va fin tar ernias dal disc. E tut quels problems entschaivan cun in batschigl tort. E quel datti tranter auter sch'ins ha la bursa en la giaglioffa davos ed ins sesa lasura. Marina Soklic fa perquai adina puspè attent surtut ad umens da betg metter la bursa en la giaglioffa da las chautschas.

Facturs s'accumuleschan
Ina persuna cumporta quai forsa meglier, in'autra pli pauc bain. Impurtant è la prevenziun di Soklic. Far sport per rinforzar la musculatura e tranter auter betg metter la bursa en la giaglioffa davos.

Autur/a: RTR/cl