Temp medieval - Co far savun?

Brigitte Casty e Claudia Bolliger-Voegeli
Legenda da maletgs: Brigitte Casty e Claudia Bolliger-Voegeli fan sez savun e vendan el per exempel a la fiera medievala a Cuira. RTR, R. Müller

Gia durant il temp medieval vegnivi fatg savun. Lura anc cun grass d'animals e la laschiva ch'ins gudagnava or da tschendra. Quai fan Brigitte Casty e Claudia Bolliger-Voegeli da la Seiferia a Cuira betg pli. Ils grass ch'ellas dovran èn da plantas e la laschiva cumpran ellas en furma da liquid concentrà. Tuttina è far sez savun anc oz ina lavur manuala ed il savun fatg a chasa in product artisanal. Impurtant è dentant da lavurar cun precauziun cun la laschiva e d'avair in bun maun per maschadar las differentas ingredienzas.

Autur/a: RTR/dh