Giuridicamain dependi numnadamain sch'il parcadi ha in connex cun l'abitaziun u betg. Vul dir: Sch'el è vegnì affittà il medem temp sco l'abitaziun. Lura vala il medem sco per l'abitaziun, cun il termin da visar. Quai vala dal reminent er sch'i dat differents contracts per parcadi ed abitaziun, decisiv è be sch'els han in connex u betg.
Pia la suletta pussaivladad da visar in parcadi senza stuair tschertgar in nov fittadin u pajar vinavant el è sch'ins ha p. ex. fittà il parcadi pir dus onns suenter l'abitaziun. Lura n'han ils contracts nagin connex. L'experta da dretg dad SRF, Gabriela Baumgartner explitgescha la situaziun e dat ulteriurs tips en connex cun visar parcadis ordaifer il termin.
