Siglir tar il cuntegn

Header

audio
Midar la franschisa po esser ina pussaivladad da spargnar.
Keystone
laschar ir. Durada: 2 minutas 38 Secundas.
cuntegn

Spargnar premias cun auzar la franschisa

Il quint è atgnamain simpels: Pli auta che la franschisa è e pli pauc premia ch'ins paja mintga mais. Ma en tge situaziun rendi da midar la franschisa - quella part dals custs ch'ins surpiglia sez?

La pli impurtanta dumanda avant che sa metter vid las cifras: Dovrel jau savens il medi u betg? Sche gea èsi da restar tar la franschisa bassa da 300 francs. Gist il cuntrari èsi tar insatgi ch'è saun e na dovra betg savens il medi. Per lez rendi da prender la pli auta franschisa da 2'500 francs il mais.

Ina franschisa pli auta munta però er ch'ins sto esser abels da surpigliar fin 3'200 francs en ina giada. Il ristg che quai capita tar insatgi saun saja però pitschen, di l'expert per cassas da malsauns Stefan Turnherr.

Per blers renda la franschisa pli auta

Sco regla generala vala: Tar custs da sanadad (medi, medicaments, ospital euv.) da fin 1'700 francs ad onn renda la franschisa la pli auta. Er sch'i dat ina giada in onn cun pli auts custs na saja betg gist motiv per far quitads u per sbassar la franschisa. A lunga vista n'hajan il blers betg uschè auts custs, uschia l'expert Stefan Turnherr.

Las variantas tranter la bassa e l'auta franschisa na rendan dal reminent per nagin. Quai ha mussà ina evaluaziun da l'Uffizi federal da sanadad.

E sch'i vess tuttina da capitar insatge pli grond che chaschuna cuntinuadamain auts custs da tractament, lura han ins mintg'onn puspè la pussaivladad d'adattar la franschisa. Quai sco er insumma da midar la cassa da malsauns èsi da far fin la fin november.

Dapli da «Co e cum»

Scrollar a sanestra Scrollar a dretga