Spargnar energia cun la dretga schelentera

Las schelenteras èn bain praticas, perquai chins po uschia salvar bler pli ditg tschertas vivondas. Ma ellas dovran era bler energia. Schins cumpra ina schelentera da la classa denergia la pli effizienta, pon ins spargnar energia ed uschia era daners per lelectricitad.

Cun schelenteras effizientas po mintgin spargnar energia. Sin l’entir consum en Svizra po quai far in’enorma differenza.
Legenda da maletgs: Cun schelenteras effizientas po mintgin spargnar energia. Sin l’entir consum en Svizra po quai far in’enorma differenza. Keystone

Ils apparats da la pli auta classa A+++ custan dentant per regla era dapli che tals da la segunda classa A++. Ton tar las schelenteras sco era las frestgeras, èsi dapi il 2013 betg lubì da vender apparats cun ina mendra classificaziun che A++.

Tips e trics enturn schelenteras

Las schelenteras pon esser praticas, dovran dentant tut tenor blera energia. Cun in pèr simpels trics pon ins spargnar electricitad.

  • Betg cumprar ina schelentera memia gronda (60-80 liters volumen per persuna)
  • Tschentar igl apparat en in lieu frestg (tschaler, dentant betg sut 10 grads)
  • Regular la temperatura sin -18 grads
  • Schigl ha endadens vid las preits 3-4 mm glatsch, sdregliar la schelentera
  • Mirar che la porta serra bain (per testar, serrar tranter la porta in palpiri, schins po trair ora quel levamain, èsi uras da midar la gumma da stuppadira)
  • Nudar bain la rauba e tegnair urden, uschia chins sto mo laschar curt avert la porta
  • Cur chins metta en rauba, mirar che quella saja pachetada plat e saja gia fraid
  • Per sdreglientar las vivondas metter quellas en frestgera e betg sdreglientar a moda sperta

Autur/a: RTR/ul