Spargnar cun stizzar il motor

Purtret da Pius Blumenthal.
Legenda da maletgs: Pius Blumenthal. RTR, F. Caduff

Cura ch'ins arriva tar in'ampla cotschna fan ins savens la dumonda: Duai jau uss stizzar il motor ni betg? Tenor l'expert Pius Blumenthal èn quai patratgs ch'ins fa per nagut. I renda en mintga cas da stizzar il motor.

Mintga secunda quinta
Ins duess stizzar il motor subit cura ch'ins arriva tar in'ampla cotschna. Davent da la terza secunda ch'ins ha stiz il motor spargn'ins gia. Mintga secunda che nus laschain ir l'auto dovra quai benzin ni diesel e nus laschain ir ora CO2. Uschia san ins spargnar tenor l'expert Pius Blumenthal sin 100 kilometers 0.5 l. Quai vala però mo per ils autos che han in catalisatur.

Adatg tar autos vegls
Tar autos vegls, senza catalisatur, na san ins betg spargnar benzin ni diesel. Quai pervia ch'ils autos senza catalisatur dovran dapli carburant per metter envidar puspè il motor. Era sch'ins na po betg spargnar, ins po dentant evitar da laschar ora CO2 ed ins po era evitar la canera.

Autur/a: RTR/cl