Quinoa

Quinoa è in sem ch'ins po duvrar per remplazzar la granezza. Il mument è quinoa in grond trend tar nus.

Quinoa - in sem mirveglius
Legenda da maletgs: Quinoa - in sem mirveglius Keystone

Il sem quinoa deriva da las Andas. El vegn cuschinà sco ris ed ins po duvrar el per differentas spaisas: Schuppas, desserts, pettas, gratins, salatas... quasi tut è pussaivel cun quinoa. E sper quai è quinoa anc super-sanadaivel. Quest sem ha numnadamain fitg blers vitamins, calium, magnesium, calzium ed er bler fier. El gida sco i para a sbassar la pressiun dal sang ed er il zutger dal sang. Persuenter n'ha quinoa nagin glutin uschia che era persunas cun la malsogna celiachia pon mangiar ils sems.

Autur/a: RTR/sc