En Svizra sco era en pajais sco per exempel en la Belgia, lOllanda ubain era en lIslanda è il bunamaun cumpraisa en la paja dal persunal en la gastronomia. Quai vul dir ch'els n'èn betg dependents dal bunamaun. Da dar insatge suren – cunzunt schil service u la tschaina èn stads buns – è però tuttina bainvis. Usità èsi d'arrundar sin il proxim franc entir ubain era da dar in, dus francs suren.
Pli en il sid e dapli bunamaun
En blers pajais da lEuropa èsi usità da dar in bunamaun. Per ordinari è quai 5-15% da la summa, per la quala ins ha consumà. Schins ha gì giavischs spezials, u è stà ina gronda gruppa, dastg'ins era ina giada dar dapli. En pajais dal nord, sco per exempel il Danmarc u la Svezia, pon ins dar pli pauc bunamaun. Là èn las pajas per il solit era pli autas.
Auter vesa quai ora en pajais asiats sco il Giapun, la Corea dal Sid u la China. Là èsi malvis da dar insatge suren. In bunamaun vala en quests pajais numnadamain sco almosna.
