Proteger la pel la primavaira

La primavaira è arrivada. Ils dis èn pli lungs, las temperaturas miaivlas ed il sulegl envida da star dadora. Dentant adatg! Ins po er la primavaira survegnir in'arsa dal sulegl.

Dus persunas che stattan a sulegl sper la riva d'in lai.
Legenda da maletgs: Er la primavaira ston ins far adatg da na betg survegnir in'arsa dal sulegl. KEYSTONE

Il sulegl è l'avrigl numnadamain gia uschè ferms sco l'avust. Ins s'accorscha simplamain betg quai: las temperaturas èn miaivlas ed ins senta betg ch'i brischa uschè spert. E lura è la pel er anc betg disada al sulegl e perquai po ins gia la primavaira survegnir l'emprima arsa dal sulegl.

Quai cunzunt durant il temp sur mezdi tranter las 11 e las 13. Lura duess ins betg star memia ditg en il sulegl. Da principi stuess ins gia uss risguardar tut ils tips ch'ins sto er risguardar la stad da tutta chalira.

Autur/a: RTR/cl