Pretsch d'electricitad

Bischlas da contact.
Legenda da maletgs: Il pretsch d'electricitad dependa da plirs facturs. DREAMSTIME

Co vegn il pretsch d'electricitad calculà?
Pliras interpresas han annunzià in pitschen augment dals pretschs d'electricitad per l'onn 2016. Ma co vegn il pretsch delectricitad calculà precis? Tge facturs èn decisivs?

Per la calculaziun dal pretsch d'electricitad datti ina furmla:
Pretsch d'electricitad = pretsch denergia + pretsch per la rait + taxas e taglias

Pretsch denergia: Quai è il pretsch ch'ils consuments pajan per l'electricitad ch'els dovran. Dal pretsch d'electricitad fa quella cumponenta ora in terz.

Pretsch per la rait: Il pretsch per la rait èn ils custs per l'infrastructura ed il mantegniment da las raits. Quai pretsch fa ora in zichel pli pauc che la mesadad dal pretsch total.

Taxas e taglias: Las taxas e taglias vegnan fixadas da la Confederaziun. Quellas taxas van a favur da la promoziun d'energias regenerablas. Ellas fan ora 18 20 % dal pretsch. Perquai ch'i vegn construì adina ovras d'energia regenerabla, dovra la Confederaziun dapli daners per la promoziun. Quai pretsch va dapi l'introducziun da la nova lescha da provediment d'electricitad savens ensi.

Autur/a: RTR/cl