Pneus d'enviern per scooters fan senn

Scooters parcai ch'en cuvri cun naiv.
Legenda da maletgs: Gumma d'enviern fa era tar scooters senn. Keystone

Tgi che vuless duvrar il scooter er l'enviern duess montar pneus d'enviern, di Felix Widmann dal center da motos Imholz a Cuira. Crodan las temperaturas sut 6 grads, fan gumma d'enviern senn. Passa 270'000 scooters èn immatriculads en Svizra. Blers da quels èn er sin via ils mais fraids. Cun pneus da stad è la distanza da franar pli lunga ed il privel d'accident crescha.

Autur/a: RTR/oc