Milliunari da lotto – tge faschessas per tegnair secret?

Milliunari sur notg! Tips e trics co vinavant

In grischun u ina grischuna ha gudagnà 24,1 milliuns.
Legenda da maletgs: In grischun u ina grischuna ha gudagnà 24,1 milliuns. KEYSTONE

Ina grischuna u in grischun ha gudagnà la sonda passada il jackpot dal lotto svizzer cun 24 milliuns francs. Per la victura u il grond victur la gronda fortuna. La gronda summa sa dentant era esser malsegira. En differents pajais han milliunaris pers la relaziun tar la realitad suenter avair gudagnà ina gronda summa. RTR ha dumandà sin via a Glion differentas persunas, tge tips ch'els han per il milliunari. Quests tips èn stads pulit divers: davent d'investir ils daners, viver normal vinavant, lavurar in pau pli pauc enfin ir en vacanzas e far ina gronda festa.

Era la societad da lotto svizra, swisslos, ha publitgà sin sia pagina d'internet divers tips per ils novs milliunaris. I vegn surtut cusseglià a l'entschatta da star ruassaivel. Da far insumma nagut ils emprims dis enfin che l'emprima euforia è passada. E pir suenter lura ponderar bain tge giavischs e siemis ch'ins vul realisar cun ils daners. Impurtant per la realisaziun da quests è da planisar bain las investiziuns. Il meglier far ina glista e notar ils giavischs. Lura fixar quant ch'ins vul dar ora per tge. Uschia pon ins far ina planisaziun exacta e vegn era da guardar ch'ins ha anc che resta avunda daners per la vegliadetgna.

Autur/a: RTR/dh