Midar chasa – favuraivel ma era pratic

Midar chasa è savens stentus. Perquai datti firmas che fan questa lavur, ma co chattar la meglra offerta?

La fin da mars èsi savens da midar chasa.
Legenda da maletgs: La fin da mars èsi savens da midar chasa. Keystone
  1. Co eleger la firma adattada?
    Il meglier è da dumandar tar parents ed enconuschents sch'els enconuschan gia ina buna adressa. Ma sche quai n'è betg il cas alura pon ins cun agid dal internet chattar l'interpresa ideala. I dat era pliras paginas che cumpareglian las differentas purschidas e che porschan era gist ina offerta digitala. Ma l'interpresa ch'è il pli damanaivla n'è betg adina la pli favuraivla.

  2. Mintga fatschenta seriusa vul in termin d'invista:
    Cura ch'ins è la finala sa decidids per ina interpresa alura èsi impurtant da dumandar per in termin d'invista. Uschia vegn mintga purschider serius gugent speravi per prender ina invista da l'abitaziun e da las mobiglias ed il rest da la rauba. Suenter ina tala invista porscha l'interpresa alura era gist ina offerta concreta.

  3. Ulteriurs servetschs:
    Bleras interpresas da transport porschan era savens in servetsch da nettegiar l'abitaziun. Per la lavur da nettegiar duessan ins far ina offerta separada cun ina garanzia ch'oblighescha ch'ils lavurers èn d'enturn tar la surdada da l'abitaziun, per gist megliurar las chaussas manglusas tenor il locatur.

  4. Dumondas impurtantas:
    Avant ch'engaschar ina interpresa èsi impurtant da sclerir plirs puncts. Van ils lavurers enturn precaut cun la rauba delicata per exempel cun il clavazin ni cun las plantinas.
    Ha l'interpresa era vehichels adattads e surpiglia ella era ils custs dals donns vid l'inventari.

Autur/a: Ivo Orlik