Siglir tar il cuntegn

Header

audio
Pliras frestgeras pli u main plainas.
Keystone
laschar ir. Durada: 1 minuta 34 Secundas.
cuntegn

Metter en frestgera – ina scienza per sasez

Sur ils dis da festa èn las bleras frestgeras stadas plainischmas. Uss hai puspè dapli plaz – il mument per nettegiar ed emplenir da nov. E co emplenir è impurtant, la temperatura nè numnadamain betg dapertut tuttina.

Sisum la frestgera è la temperatura fin a 6 grads pli chauda che giudim. Cun rumir tut en il dretg lieu, tegna blera rauba perquai in pau pli ditg.

La part sisum da la frestgera è buna per chaschiel e per rests da mangiativas. Inetascha pli bass èsi gist ideal per il latg, ils jogurts e la turta. E giudim, sur la chascha da verdura, è la plazza per charn, pesch e fritgs da mar.

Era lurden en la porta da la frestgera ha sia logica. La chascha giudim è reservada per las bavrondas. Entamez vegn tut quai che tegna ditg, sco confitura e maionesa. E sisum la porta tutgan ils ovs ed il paintg. E dal reminent, vi dal paintg pon ins vesair sche la frestgera ha ina buna temperatura. Schel na lascha betg laschar stritgar ora bain, èsi segiramain memia fraid.

Dapli da «Co e cum»

Scrollar a sanestra Scrollar a dretga