Maschinas cun accu adina pli popularas

La primavaira cumenzan era las lavurs dad iert ed enturn chasa. Adina pli dumandadas èn maschinas che van cun in accu. Quellas han differents avantatgs en congual cun maschinas che van cun benzin.

Maschinas che van cun accu: Per lavurs pli grondas datti era in lascher cun accu.
Legenda da maletgs: Maschinas che van cun accu: Per lavurs pli grondas datti era in lascher cun accu. RTR, Federico Belotti

Sin la fiera datti differentas maschinas che van cun in accu, per exempel resgias a motor, sega-rievens (trimmer) u segapastgets. Tenor Luzi Carisch, il maina fatschenta da la Garascha Carisch a Savognin, vendia el adina dapli maschinas cun accu. Ils davos onns sajan quellas vegnidas adina meglras, ed era la prestaziuns dals accus daventia adina pli effizienta. In grond avantatg saja ch'i na dettia naginas emissiuns, che quellas maschinas fetschian pli pauca canera ed era il service custia pli pauc. Dischavantatgs dettia quai paucs, dentant cura ch'i plova saja da dar adatg.

Autur/a: Federico Belotti