Siglir tar il cuntegn

Header

audio
Lavar la pusada cun la maschina fa per part donns da ruina.
Keystone
laschar ir. Durada: 2 minutas 59 Secundas.
cuntegn

La pusada vegn ord la maschina da lavar cun ruina – daco?

Suenter lavar la pusada en la maschina da lavar era ella da ruina, Pertge capita quai? Nus avain la soluziun e nus avain ils tips tge far encunter.

Il pli savens vegn ruina sin la pusada sche quella vegn en contact cun chazzettas che han struvas, ni cun nizzas da far giu la paletscha e auters utensils cun struvas. Las struvas vegnan il pli savens da ruina e quella croda durant lavar en la maschina sin ils cuntels da metal e fan tacs. In auter motiv per ruina èn ils chanasters per metter en la pusada en la maschina, quels han per part elements da metal curclads cun plastic, ma sche quel plastic ha sfessas alura reagescha il metal e fa ruina e quella vegn lura sin la pusada.


Tge far encunter?


Il meglier è da schubregiar a maun e sgarar davent ils tacs. Ma sche quai na funcziuna betg alura gida pasta da dents. Quella ha en fins tocs sablun e quels puleschan la pusada.


Co evitar en il futur tacs da ruina?


Ina soluziun è segir da betg pli metter chazzettas, ni aissas da tagliar, cuntels cun moni da lain sco era ils auters utensils da cuschina cun struvas en la maschina da lavar. Ni chins po era metter in toc folia da aluminium en il chanaster da pusada, Quella folia trai alura la ruina sumegliant ad in magnet.

Dapli da «Co e cum»

Scrollar a sanestra Scrollar a dretga