La motivaziun d’emprender

I dat adina muments nua che scolaras e scolars èn main motivads per emprender. Per esser motivà ston almain trais pitgas esser ademplidas.

Uffant che fa pensums.
Legenda da maletgs: L’uffant sto sa sentir cumpetent en la materia ch’el emprenda. Keystone

L'uffant sto sa sentir cumpetent en la materia ch'el emprenda, el sto avair il sentiment da pudair decider autonom co el less emprender e fitg impurtant è il contact social durant l'emprender.

Flurina Kaufmann è docenta da didactica e pedagogia a la scol'auta da pedagogia dal Grischun. Sche las trais cumponentas per la motivaziun èn ademplidas, lura pon era ils suandants tips gidar demprender pli tgunsch:

Cumenzar cun in ritual: lura sa il tscharvè, chel ha dad esser pronts per retschaiver novas infurmaziuns.
- Emprender en purziuns: I nemporta betg con ditg chins emprenda, impurtant è da far curtas pausas e purziunar il pensum. Uschia pon ins p. ex. leger in text, far ina pausa cun ir sin tualetta, tadlar il text, far ina pausa cun baiver in magiel aua, e lura far ina spassegiada cun repeter il text. Uschia pon ins emprender sur in pli lung temp ora.

  • Cumbinar cun insatge chins fa gugent: Co fissi cun chantar ils vocabels ni quintar durant sa muventar?
  • Emprender tenor lagen ritmus: Sche luffant è alerts baud la damaun, lura èsi meglier schel fa la damaun ils pensums, ma schel è pli activs la saira, lura fa el meglier ses pensums la saira
  • Ils geniturs na fan ils pensums per ils uffants, ma els sustegnan el e dattan impuls.
  • Ils geniturs motiveschan luffant cun commentaris positivs

Autur/a: Alice Bertogg