Siglir tar il cuntegn

Header

audio
agid da partenza - surpuntar la battaria.
pixabay.com
laschar ir. Durada: 4 minutas 43 Secundas.
cuntegn

La battaria da l'auto è vida – ed uss?

Na vul ins betg direct clamar insatgi per agid pon ins far quai cun prender forza dad in auter auto ed in cabel per surdar la forza. Per far quai, ston ins dentant suandar in pèr reglas ed ina tscherta successiun.

Las battarias dals 2 autos ston avair medema tensiun, per exempel 12 volts ni 6 volts. Lura mirar, ch'era l'auto che dat la forza, saja tschentads giu. Avant che cumenzar, tschentar giu tar omadus autos il radio, las chazzolas, la clima e las pegnas.

Lura sa quai ir liber:

  1. colliar il cabel cotschen cun omaduas battarias, omaduas giadas cun il pol PLUS da la battaria
  2. colliar il cabel nair vid il pol MINUS da l'auto che dat suenter giu la forza
  3. tar l'auto che n'ha betg pli forza, liar l'autra vart dal cabel nair u direct vid il motor ni vid in toc en il spazi dal motor che n'ha si nagin lac (betg vid il pol minus da la battaria)
  4. tschentar en il motor da l'auto che ha anc forza
  5. tschentar en il motor da l'auto che n'ha nagina forza (sch'igl auto na seglia betg en suenter in pèr secundas, far ina curta pausa, lura puspè empruvar)
  6. laschar ir vinavant il motor, tschentar en quai che dovra bler forza, sco il stgaudament da la fanestra davos ni la clima
  7. prender davent il cabel nair e lura il cabel cotschen
  8. ir cun l'auto in pulit tschancun, il meglier sin l'autostrada, per che la battaria vegnia puspè chargiada

Dapli da «Co e cum»

Scrollar a sanestra Scrollar a dretga